अन्तर्राष्ट्रिय मुद्रा कोष (आईएमएफ) ले जलवायु परिवर्तन र गरिबीसँग जुध्न धनी देशहरूले संस्थाबाट १०० अर्ब अमेरिकी डलरको कोष पुनः विनियोजन गर्ने भएको छ । आईएमएफ प्रमुखले विकासशील देशहरूमा जलवायु परिवर्तन र गरिबीसँग जुध्न धनी देशहरूले संस्थाबाट १०० अर्ब अमेरिकी डलर को कोष पुनः विनियोजन गर्ने लक्ष्य पूरा गरेको बताउनुभएको हो । पेरिसमा आयोजित जलवायु वित्त पोषण शिखर सम्मेलनमा क्रिस्टालिना जर्जिएभाले भन्नुभयो, "हामी लक्ष्य पूरा गर्छौं, हामीसँग १०० अर्ब छ ।" शिखर सम्मेलनअघि आईएमएफलाई लक्ष्य हासिल गर्न ४० अर्ब अमेरिकी डलर आवश्यक थियो । सन् २०१९ मा पहिलो पटक घोषणा गरिएको यो योजनामा धनी देशहरूले कमजोर अर्थतन्त्रका लागि आईएमएफको विशेष रेखाङ्कन अधिकार (एसडीआर) मा १०० अर्ब अमेरिकी डलरको स्रोत पुन ः प्रयोग गर्ने घोषणा गरिएको थियो । एसडीआर भनेको आईएमएफमा कति योगदान पु¥्याउँछ भन्ने आधारमा देशहरूलाई प्रदान गरिने विदेशी विनिमय सञ्चित सम्पत्ति हो । केही युरोपेली देशहरूले विरोध गरेको यो विचार धनी देशहरूले आईएमएफलाई यी विदेशी मुद्रा सञ्चित सम्पत्तिहरू ऋण दिनको लागी थियो । सम्मेलनअघि फ्रान्स र जापानले आफ्नो ३० प्रतिशत एसडीआर पुनः परिचालन गर्ने घोषणा गरेका थिए ।